top of page

Կրթություն և Ուսուցում

Որակյալ բուժուման բացակայությունը գերազանցապես պայմանավորված է բուժական ոլորտի մասնագետների ցածր կրթության մակարդակով, առավելապես Հայաստանի հեռավոր շրջաններում և գյուղերում: 

Բուժական ոլորտի մասնագետների պարտադիր կրթական համակարգի բացակայությունը խոչնդոտում է մշտապես զարգացող առողջապահական բնագավառի նորարարական բացահայտումներին հետեևելու կարևորագույն հնարավորությանը: Ռեսուրսների պակասն ու ցածր աշխատավարձը հակախթան են հանդիսանում բժիշկների և բուժական ոլորտի այլ մասնագետների հետագա կրթական ձգտումների համար:

 Հայաստանում բժշկական կրթության և պրակտիկ ուսուցման հիմնախնդիրներն են՝

  • Բժշկական ոլորտի ուսանողների պրակտիկ ուսուցումն ու գիտելիքները սահմանափակված են այլ ոլորտների հետ համընկնումով

  • Մասնագետների շրջանում միասնական ուսումնական ծրագրի և գիտելիքների նախատեսված մակարդակի բացակայություն

  • Առողջապահության նախարարության կողմից պարտադրված բժշկական կրթությունը շարունակելը չի ֆինանսավորվում և բժիշկներեը, ովքեր կարող են իրենց թույլ տալ մեկնել արտասահման, վճարում են ուսուցման համար իրենց գրպանից

  • Բժշկական և վիրահատական խնամքի հաստատված ազգային մակարդակի և բուժման մեթոդների կամ խնամքի որակի վերաբերյալ ստանդարտների բաց

  • Ուսուցման լեզուն հայերենն է, երբեմն ռուսերենը, սակայն բժշկական գրականության գերակշիռ մասը անգլերենով է, ինչը խոչնդոտում է բժիշկների և ուսանողների համար բաց գիտական աղբյուրների հասանելիությունը

  • Բժշկական կրթությունը շարունակելու պարտադիր կարգը պահանջում է մասնագետներից մասնակցել կոնֆերանսների և սեմինարների, իրականացնել հետազոտություններ և հրատարակել դրանք բժշկական ամսագրերում, որոնց համար վերջիններս հաճախ վճարում են իրենց իսկ գրպանից

  • Որակի գնահատման անկախ գործակալությունների կամ սպառողների վերանայման հարթակների բացակայությունը հանգեցնում է բժշկական ծառայություններ մատուցողների և սպառողների շրջանում ոչ բավարար տեղեկացված որոշումների կայացմանը

2019 թվականի հոկտեմբերին Մեդունի բարեգործական հիմնադրամը նվիրաբերեց առաջադեմ վիրահատական սարքեր և պարագաներ Հայաստանում Ֆանարջյանի Անվան Ուռուցքաբանության Ազգային Կենտրոնին: Մեդունի Հիմնադրամի գործադիր տնօրեն Վահագն Մարտիրոսյանը և խորհրդի ղեկավար դոկտոր Գենառո Դ.ԼաԲելլան այցելեցին Հայասատան, ուսուցման իրականցման և տեխնիկայի համապատասխան կիրառման հետևողականության ապահովման համար: Միևնույն ժամանակ, ողջ այցի ընթացքում համապատասխան հիվանդների համար կատարվեցին անվճար վիրահատություններ:

 

Լապարոսկոպիկ մեթոդը նոր չէ Հայաստանի Հանրապետությունում, այնուամենայնիվ մինչ օրս որևէ աղեստամոքսային տրակտի կամ  հաստաղիքային քաղցկեղի լապարոսկոպիկ վիրահատություն Հայաստանում չի իրականացվել: Դոկտոր Գենառո ԼաԲելլան ԱՄՆ Օհայո նահանգի Ցինցինատի քաղաքի լավագույն կոլոռեկտալ վիրաբույժն է: Վերջինս կիսվեց գիտելիքներով և մասնագիտական փորձով հայ բժիշկ կոլեգաների հետ, ինչը  հույժ կարևոր է մասնավորապես բժիշկների նոր սերնդի համար: 

​

Մեդունի Հիմնադրամը պատրաստվում է իր ծրագրի շրջանակնորում ընդլայնել Հայատանի հիվանդանոցներին, այդ թվում Սուրբ Աստվածամայր, Ֆանարջյանի Անվան Ուռուցքաբանության և Գյումրու Բժշկական կենտրոններին նվիրաբերվող բժշկական տեխնիկայի ցանկը: Ծրագրի շրջանակներում նախատեսվում է ԱՄՆ-ից բժիշկների այց Հայաստան՝ իրենց մասնագիտական փորձով հայաստանյան մասնագետների հետ կիսվելու և նվիրաբերված բժշկական տեխնիկայի կիրառման ամբողջական ուսուցման իրականացման նպատակով:   

 

Մեր նպատակն է ստեղծել մի միջավայր, որտեղ մենք կարողանանք փոխանակել գիտելիքներ և հմտություններ նման մասնագետների հետ, որը կարևոր նշանակություն ունի նոր սերնդի բժիշկների համար:
bottom of page